Кыргызстандын Тышкы иштер министрлиги кезексиз президенттик шайлоодо Орусиядагы мекендештер кантип добуш берүүсү керектигин айтты.
Орусиянын аймагында 12 шайлоо участкалары түзүлдү. Алар: Москвадагы Кыргызстандын Элчилигинде — 3, Екатеринбург, Новосибирск, Владивосток, Иркутск, Красноярск, Санкт-Петербург, Сургут, Южно-Сахалинск жана Якутск.
Элчилик Кыргызстандын Орусиядагы жарандарынан шайлоо укуктарын жүзөгө ашырууну суранат:
Https://tizme.gov.kg сайтындагы шайлоочулардын алдын ала тизмесинен өзүңүздү текшерип алыңыз;
Эгерде сиз кандайдыр бир ката же так эместик тапсаңыз, анда элчиликке же тиешелүү консулдук мекемесине белгиленген формадагы арыз менен кайрылыңыз (форма No1);
2020-жылдын 19-ноябрынан 29-декабрына чейин, шайлоочулардын алдын ала тизмесинде жок болсо, эгерде Орусиянын аймагындагы шайлоо дареги боюнча добуш берүү ниети бар болсо, анда элчиликке типтүү арыз (No2 форма) менен кайрылыңыз.
