Кыргызстандык боксчу Орзубек Назаров өзбекстандык кримтөбөл Салимбай Абдувалиев менен түшкөн сүрөтү боюнча түшүндүрмө берди.
Ал УКМКда суракта болгон. Орзубек Назаровдун айтымында, ал 2023-жылы Ташкентте өткөн бокс боюнча дүйнө чемпионатына барган. Ошондо Салимбай Абдвалиев дүйнө жана Олимпиада чемпиондору менен бирге аны түшкү тамакка чакырган.
«Биз ал жакта тамактанып, тарап кеткенбиз. Биздин мамлекеттин саясатын колдойм. Криминалдык чөйрө, Салимбай (Абдувалиев – ред.) менен эч качан байланышып болгон эмес», — деди ал.