Ош-Араван жолуна төшөлгөн асфальт кар менен кошо ээрип кетти. Бул тууралуу видеону иликтөөчү журналист Ыдырыс Исаков «Инстаграмына» жарыялады.
Ош-Араван жолу былтыр күз айралында курулган.
«Бул жолдун курулушу бүткөнүнө үч ай өттү. Үч айда талкаланып жоголду. Кыштагы кар менен кошо эрип жок болду. Курулуштардын сапатын текшерем деген Экотехинспеция каякты карап жатат? Элге кызмат кылам деген айыл өкмөт, аким, губернаторлор эмне кылып жатат экен, жолго акчаны кетирдик, бирок жемишин алган жокпуз», — дейт Исаков.