Өкмөттүн Ош облусундагы ыйгарым укуктуу өкүлү болуп убактылуу Байыш Юсупов дайындалды. Тиешелүү чечимге премьер-министр Кубатбек Боронов кол койгонун өкмөттүн маалымат кызматы кабарлады.
Эске сала кетсек, буга чейин Ош облусунун жетекчиси Узарбек Жылкыбаев шайлоого аттанып жаткандыктан иштен арыз жазып кеткен.
Узарбек Жылкыбаев Ош облусундагы өкмөттүн ыйгарым укуктуу өкүлү кызматын 2018-жылдын июль айынан бери аркалап келген.
Ал эми Байыш Юсупов облус жетекчисинин биринчи орун басары болчу.