Ош шаарында уйдун жана койдун эти белгиленген баа боюнча сатыла турган болду. Бул тууралуу мэриядан билдиришти.
Маалыматка караганда, бүгүн, 24-сентябрда мэрдин биринчи орун басары Марс Исаевдин төрагалыгы алдында эттин баасын жөнгө салуу маселеси боюнча жыйын өткөрүлгөн. Ага ветеринардык кызматтын, антимонополиянын жана башка тиешелүү кызматтардын өкүлдөрү, эт саткан дүкөндөрдүн ээлери катышкан.
“Жыйында 1 кг уйдун этине бирдиктүү баа 600 сом, ал эми кой этине 620 сом болуп бекитилди. Белгилей кетсек, буга чейин шаар тургундарынан эттин баасы 650 сомго чейин жетип жаткандыгы тууралуу арыз-даттануулар келип түшкөн”, — деп билдирет мэрия.