Ош жана Таласта ипотекалык үйлөрдүн курулушу башталды. Бул тууралуу Мамлекеттик ипотекалык компания билдирди.
Таласта 2 гектар жерге беш кабаттуу 10 блокто 310 батирлүү үй курулат.
Үйлөр курулуп бүткөндөн кийин батирлер мамлекеттик турак жай программасынын катышуучуларына 4 жана 8 пайыздан жарандарга 15, 20, 25 жылдык мөөнөткө ипотекага берилет.
Ош шаарында Курманжан-Датка жана Сүйүмбаев көчөлөрүнүн кесилишинде жаңы «Асман резиденс №1 Ош» турак жай комплекстин курулушу башталды. Бул жерге 12 кабаттан турган 8 үйдүн курулушу пландалган, батирлердин жалпы саны 528.
Өлкө боюнча 12 659батирдин курулушу жүрүп жатат. «Менин үйүм 2021-2026» турак жай програмамсынын алкагында өлкө аймагында дагы 16 351батирдин курулушу башталат.