Ош шаарында көп кабаттуу турак үйдө өрт чыгып, жашоочулары эвакуацияланды. Бул тууралуу Өзгөчө кырдаалдар министрлигинин басма сөз кызматы кабарлайт.
Маалыматка караганда өрт, 27-октябрь күнү Ош шаарынын Алай көчөсүнүн №35 дарегинде жайгашкан көп кабаттуу турак үйдүн 4-кабатынан чыккан.
Өрттү өчүрүүгө саат 14:06да жалпы 3 бөлүм жана кошумча күч тартылган. Саат 15:05те тилсиз жоо чектөөгө алынган Учурда өрттү толук өчүрүү иштери жүрүп жатканы айтылат.
