Ош шаарында отун аралап жаткан киши тайып жыгылып, бензопила денесин кесип, каза болду. Окуя 16-ноябрда катталган. Бул тууралуу Ош ШИИБинин басма сөз кызматынан билдиришти.
Маалыматка ылайык, ошол күнү саат 12:30 чамасында «Тез жардам» кызматынан Ош ШИИБине маалымат түшкөн. 62 жаштагы киши отун аралап жатып бензопила менен денесине жаракат келтирилгени тууралуу айтылган.
Аталган факты Кылмыштардын жана жоруктардын бирдиктүү реестрине кокустук деп катталган. Ал эми маркумду туугандары сөөктү соттук-медициналык экспертизага берүүдөн баш тартышкан.