Ош шаарында «Алай» футбол клубунун оюнчуларынын уюлдук телефондору уурдалды. Бул маалыматты Reporter.kg’ге шаардык милициядан ырасташты.
Белгилүү болгондой, уурулук 22-февралда болжол менен саат 17:00до жасалган. Белгисиз адам/дар «Алай» футбол клубунун жатаканасына кирип, 7 телефон уурдап кеткен. Милицияга арызды клубдун администратору жазган.
Учурда бул окуя боюнча Кылмыш-жаза кодексинин 205-беренеси (уурдоо) боюнча кылмыш иши козголуп, тергөө иштери жүрүүдө.