Ош облусунда жергиликтүү тургундун үйүнөн жардыруучу зат жана баңгизат табылды. Бул тууралуу Ички иштер министрлигинин басма сөз кызматынан билдиришти.
Маалыматка ылайык, Кара-Суу районунун айылдарынын биринде ата-бала үйүндө баңгизат жана гранаталарды мыйзамсыз сактап жүрүшөт деген маалымат түшкөн.
Аталган тургундардын үйүн тинтүүгө алганда кендир жыттанган зат жана колго жасалган 2 жардыруучу зат табылган.
Соттук-химиялык изилдөө табылып алынган заттар, салмагы 232,5 грамм «марихуана» жана 66,9 граммды түзгөн «гашиш»
баңгизаты экендигин аныктаган.
Жарылуучу зат боюнча учурда экспертиза жүргүзүлүүдө.
Үй ээлери 1968-жылы туулган С.И., жана 1987-жылы туулган С.М. аттуу жарандар убактылуу кармоочу жайга киргизилип, сотко чейинки өндүрүш башталган.
[su_image_carousel source=»media: 52561,52562,52563,52564″ crop=»none» autoplay=»4″]
