Кечээ, 18-июнь күнү Ош шаарынын мэриясы турмуштук оор кырдаалга кабылган үй-бүлөлөргө жардам көрсөтүүнүн алкагында аз камсыз болгон үй-бүлөлөрдүн 25 баласын (анын ичинде жетим жана жарым жетим балдар) Чолпон-Атадагы “Алтын Балалык” санаториясына жөнөтүштү. Бул тууралуу аталган шаардын мэриясынын басма сөз кызматы билдирди.
Балдар ал жерде 10 күн болуп, аларга керектүү жардам, анын ичинде медициналык жана реабилитациялык колдоо көрсөтүлөт. Бул санаторияга 25 баладан эки агым жөнөтүлөт. Экинчи агым 29-июнда башталат.