Ош облусунун Алай районунда балык уулоого чыккан адамды ток тартып, каза болду. Маалыматты “Репортерго” облустук милициянын басма сөз катчысы Жеңиш Аширбаев кабарлады.
Анын айтымында, окуя 1-июнда саат 18.30дар чамасында Алай районунун Коңур-Дөбө айылынын Кызыл-Суу дарыясынын жээгинде болгон.
“Балыкка 3 киши барган. Алардын экөө бир туугандар болгон. Бир туугандардын бири 45 жаштагы адам кайырмагын суудан тартканда жогорку чыңалуудагы электр зымына оролуп калып, ток тарткан. Маркум окуя болгон жерден каза болгон”, – деди Аширбаев.
