Ош облустар аралык балдар ооруканасынын дарыгерлери канцелярдык мык жутуп алган 10 жаштагы баланы куткарып калышты. Бул тууралуу аталган ооруканадан билдиришти.
Маалыматка караганда, канцелярдык мык жутуп алган бала бейтапканага 7-августта түшкөн.
«Бала оң өпкөсүнөн жабыркап, канцелярдык мык бронхага сайылып калган. Оор абалда калган балага тезинен жардам көрсөтүлүп, (дарыгерлер – ред.) аман алып калышты», — деп айтылат маалыматта.
Баланын өпкөсүндө туруп калган мыкты Анестезиология жана реанимация бөлүмүнүн башчысы Семетей Кочкорбай уулу алып чыккан. Ал акыркы учурда мындай окуялар көп болуп жатканын айтып, ата-энелерди балдарына жакшылап көз салууга чакырган.
Аксыда жаш бала көзүнө ок жеп, ок мээсинде калып калган. Дарыгер эмне дейт?
Биздин Телеграм каналга катталыңыз