Ош шаарындагы Араван каналына чөккөн тестиер балдардын экинчисинин жансыз денеси табылды. Бул тууралуу Өзгөчө кырдаалдар министрлигинен билдиришти.
Маалыматка ылайык, Ош шаарынын Күренкеев жана Алыкулов көчөлөрүнүн кесилишинде Араван каналына түшүп кеткен 8 жана 9 жаштагы эки баланын экинчисинин да жансыз денеси табылды.
Аларды издөөгө 22 куткаруучу тартылып, саат 7:30да 9 жашар баланын, саат 9:35те 8 жашар баланын жансыз денеси табылган. Жаш балдардын жансыз денелери туугандарына өткөрүлүп берилген.
