Ош облусунда кар көчкү басып калган 59 жаштагы адамдын сөөгү табылды. Бул тууралуу ӨКМдин басма сөз кызматы билдирди.
Маалыматка караганда, Алай районунун Ленин айыл өкмөтүнө караштуу Мурдаш айылынын Т.К. аттуу тургуну мал издеп, айылдан 3 чакырым алыстыктагы тоого чыгып, тоодон кар көчкү басып калган.
Жерине издөө иштерин жүргүзүү үчүн Алай райондук №68 ӨКБдан 21 куткаруучу, ИИМден 4 кызматкер жана жергиликтүү тургундардан 20 адам тартылып, кар көчкү басып калган эркек кишинин сөөгүн алып чыгып, ИИМ кызматкерлерине өткөрүп беришкен.
Биздин Телеграм каналга катталыңыз