Ош облусунун Ноокат районунда жол кырсыктын кесепетинен бир адам каза болду. Бул тууралуу ӨКМдин басма сөз кызматы билдирди.
Маалыматка караганда, Байыш айылынын Көк-Бел көчөсүндө Mercedes-Benz Sprinter үлгүсүндөгү унаанын айдоочусу рулду башкара албай, жолдон чыгып, сарайды сүзгөн.
Кырсыктын кесепетинен 1988-жылы туулган М.Н. аттуу эркек киши каза болуп жана 1 эркек киши (аты-жөнү такталууда) жабыркаган.
Куткаруучулар каза болгон жарандын жансыз денесин унаадан чыгарып, туугандарына өткөрүп беришкен. Ал эми жабыркаган жаранды тез жардам кызматы ооруканага алып кеткен. Жерине 4 куткаруучу тартылган.
Бардык жаңылыктар Телеграм каналда