Ошто коронавирус жуктуруп алып ооруканада дарыланып жаткан аял өз жанын кыйды. Бул тууралуу шаардык милициянын басма сөз кызматы билдирет.
Маалым болгондой, 34 жаштагы келин 1-июль күнү Ош шаардык ооруканасынын 3 кабатынан боюн таштаган. Ал алган жаратынан улам окуя болгон жерде каза болгон.
Маркум 25-июнда жаңы төрөгөн. 29-июнда коронавирус оорусу менен каттуу жабыркап ооруканага келген.
Учурда укук коргоо жана саламаттыкты сактоо кызматкерлери бул кайгылуу окуяны иликтеп жатышат.