Ошто өз өмүрүнө кол салууга аракет кылган жаран куткарылды. Бул тууралуу ӨКМдин маалымат кызматынан билдиришти.
Маалыматка караганда, 17-июлда Масалиев көчөсүндө жайгашкан көп кабаттуу үйдүн батиринде өз өмүрүнө кол салууга аракет кылган аял киши куткарылган.
“Аталган даректе 1973-жылы туулган Т.М. аттуу аял киши бөлмөнүн ичинде кулпуланып алып, өз өмүрүн кыюуга аракет кылып жаткандыгы тууралуу маалымат 112 кызматына түшкөн. Жерине Ош шаардык куткаруу кызматынан 5 куткаруучу тартылып, бекилип калган эшикти ачканда аял уктап жатканы аныкталып, тез жардам кызматкерлерине өткөрүлүп берилген. Абалы жакшы”, — деп жазылат маалыматта.
Биздин Телеграм каналга катталыңыз