Ошто токко урунуп ооруканага түшкөн аскер кызматкери каза болду. Бул тууралуу Куралдуу күчтөрдүн Башкы штабынын басма сөз кызматы кабарлады.
Мекеменин маалыматына караганда, 23 жаштагы ефрейтор 8-декабрь күнү саат 19:30да каза болгон. Ал № 92843 аскердик бөлүктө келишимдик негизде кызмат өтөп келген.
Аскер кызматкери 4-декабрда тактикалык машыгуудан кайтып келе жатканда токко урунган.
Бул окуя боюнча Ош гарнизонунун Аскердик прокуратурасы иликтөө жүргүзүп жаткан.