Ош шаарында бир айдан ашык убакыттан бери дайынсыз болгон жаш жубайлар изделүүдө. Бул тууралуу Ош шаардык милициядан билдиришти.
Маалыматка караганда, 29 жаштагы Руслан Касымов менен 24 жаштагы келинчеги Акмөөр Орунбаева 6-июнь күнү Бий-Ордо мейманканасынан чыгып кеткен бойдон дайынсыз жоголгон.
Руслан Касымовдун өзгөчө белгилери:
Бою 160-165 см, арык чырай, ак жумал, моюн тарабында калы бар, сол колунун чыканак бөлүгүнүн үстүндө колу сынганда калган тырыгы бар, башка өзгөчө белгилери жок. Кийген кийимдери: үстүндө кара түстөгү спорттук кийим шымы менен, бутунда ак түстөгү спорттук бут кийим.
Акмөөр Орунбаеванын өзгөчө белгилери:
Бою 155-160 см, арык чырай, ак жумал, кашы, көзү кара, жоолук оронуп жүрөт (хижап), башка өзгөчө белгилери жок.Кийген кийимдери: белгисиз.
Милиция жаш жубайларды көргөн-билгендер болсо же кандайдыр бир маалыматы бар жарандарды (+996) 559-199-090, (+996) 551-621-041, (03222) 6-64-02 номерлерине кабар берүүсүн суранат.
Биздин Телеграм каналга катталыңыз