Ошто оодарылган жүк ташуучу унаа 6 адамды басып калган. Бул тууралуу ӨКМдин басма сөз кызматы билдирди.
Такталган маалыматка караганда, Ош облусунун, Кара-Суу районунун, Нариман Жаңы-Маала айылынын Касымбеков көчөсүндө «HOWO» үлгүсүндөгү көмүр жүктөгөн оор жүктөгөн унаа жолдон чыгып, оодарылып кетип, 6 адамды басып калган.
Кулаган унааны кран менен көтөргөндөн кийин 2 аял, 3 кичинекей кыз жана 1 ымыркай каза болгондугу аныкталды. Жеринде Өзгөчө кырдаалдар министрлигинен ыкчам топ, ӨКЧК Түштүк борборунан 1 кран жана 9 куткаруучу тартылышкан.
Алар каза болгон жарандарды унаанын астынан чыгарып, ИИМ кызматкерлерине өткөрүп беришкен.