Ош шаарындагы мугалимдер арасындагы сынактын жеңүүчүлөрүнө батир жана автоунаа белекке берилет. Бул тууралуу калаанын мэриясынан билдиришти.
Маалыматка ылайык, Ош шаарындагы мектеп мугалимдеринин арасында «Жылдын мыкты мугалими-2021» кароо-сынагы старт алды. Сынакка Ош шаарындагы 53 мамлекеттик мектептердин мугалимдери катышат.
Ал эми сынактын баш байгесин жеңген мугалимге «Эмаком» курулуш компаниясынын атынан батир, 1-орунга «Визион» курулуш компаниясынын атынан автоунаа белекке берилет.
Мындан сырткары, 2-орунга Ош шаарынын мэриясынын атынан муздаткыч, компьютерлер, түстүү принтер жана кир жуучу машина, 3-орунга мэрия тарабынан компьютер, түстүү принтер жан чаң соргуч жана 4-орунга «Карс» такси кызматы тарабынан 3 адамга Ысык-Көлгө эс алуу үчүн жолдомо жана сынакка катышкан мугалимдер үчүн ноутбук, сматфондор берилери айтылды.
