Ош шаарындагы санитардык-эпидемиологиялык көзөмөл органы кафе-ресторандарын текшерет. Бул тууралуу Оштун мэриясынын басма сөз кызматы билдирди.
«Манас-Ата» кафесинде болгон окуя боюнча мэр Алмаз Мамбетов тиешелүү кызматтарга, анын ичинде укук коргоо органдарына жана санитардык-эпидемиологиялык көзөмөл органдарына тиешелүү тапшырмаларды бергенин мэрия билдирди.
«Бөлүмдөр учурдагы мыйзамдардын алкагында бардык тийиштүү чараларды көрүшөт», — деп баса белгиледи мэриядан.
Белгилей кетсек, буга чейин «Не сахар» программасында «Манас-Ата» кафесинде санитардык жана эпидемияга каршы нормалар, эрежелер сакталбай жатканын көрсөтүшкөн.
Ошондой эле 1-июлдан тарта шаардын санитардык-эпидемиологиялык көзөмөл органы ишкердик субъектилерин, тактап айтканда коомдук тамактануучу жайларында пландуу текшерүүлөрдү жүргүзө баштаары баса белгиленди.