Ош облусунун Өзгөн районунда 16 жаштагы кыз апрель айынын башында төрөдү. Бул тууралуу маалыматты Reporter.kg’ге облустук ички иштер башкармалыгынан ырастады.
Маалыматка караганда, ал уул төрөп, үйүнө чыгарылган.
Жашы жете элек кыздын кош бойлуу экенин райондук милицияга 2023-жылдын 15-декабрында маалым болгон.
Ички иштер башкармалыгынын билдирүүсүндө, 3 айдан бери тергөө амалдары жүрүп, экспертиза дайындалган. Бирок облустук милиция кандай экспертиза дайындалганын тактаган жок. Кылмышка ким шектелип жаткандыгы дагы маалымдалбайт.
«Экспертизанын жыйынтыгы менен маалымат беребиз», — дейт милиция.
Биздин Телеграм каналга катталыңыз