Пакистандын президенти Ариф Алви кытайлык «Sinopharm» вакцинасы менен эмдөөдөн өткөндөн кийин коронавирус жуктуруп алды. Бул тууралуу ал өзүнүн Твиттердеги расмий баракчасына жарыялады.
“Менден COVID-19 илдетинин оң көрсөткүчү чыкты. <…> Вакцинанын 1-дозасын алганмын, бирок антителолор бир жумадан кийин сайылган 2-дозадан кийин пайда боло баштайт. Этият болуңуздар”, — деп билдирүү калтырган.
Пакистандын президенти 19-мартта коронавируска каршы кытайлык «Sinopharm» вакцинасы менен эмдөөдөн өтүп, 70 жаштан жогоркулардын арасында эмделген алгачкы адам болду.
Белгилей кетсек, Пакистандын премьер-министри Имран Ханда коронавирус инфекциясына каршы эмдөөдөн өткөндөн кийин илдет жуктурганы аныкталды.