Израиль менен Палестинанын ортосундагы чыңалууну басаңдатуу үчүн Кытай, Норвегия жана Тунис жума күнү БУУнун Коопсуздук Кеңешинин чукул жыйынын өткөрүүнү сунушташты. Бул тууралуу чет элдик басылмалар жазып чыгышты.
Сунушталган ачык жолугушуу Израиль жана Палестинанын катышуусунда өтөрү айтылат.
Маалыматка таянсак, ушул жумада БУУнун Коопсуздук Кеңеши виртуалдык форматта эки жолу жабык жыйын өткөргөн. Ал эми Палестина жана Израилдеги жаңжал боюнча билдирүүнү Коопсуздук Кеңешине кабыл алууга АКШ гана тоскоол болуп жатканы жазылат.
Израиль менен Палестинанын Газа секторунда абал 10-май күнү кечинде курчуп кеткен. Учурда эки өлкө бир-бирине тынбай абадан сокку уруп жатат.