Бүгүн, 13-сентябрда Жогорку Кеңештин жыйынында Алымкадыр Бейшеналиев, Нурия Кутнаева жана Гүлнара Баатырованы министр кызматтарына дайындоо маселеси каралып, депутаттар алардын талапкерлигин жактырды. Бул тууралуу Жогорку Кеңештин басма сөз кызматы билдирди.
Белгилүү болгондой, парламент Алымкадыр Бейшеналиевди саламаттык сактоо министри, Нурия Кутнаеваны санариптик өнүктүрүү министри жана Гүлнара Баатырованы эмгек социалдык камсыздоо жана миграция министри кызматына дайындоону колдоду.
Эми аталган үч талапкерди министр кызматына дайындоо тууралуу жарлыктарга президент Садыр Жапаров кол коет.
Биздин Телеграм каналга катталыңыз