Жогорку Кеӊеш Билим берүү жана илим министринин кызмат ордуна көрсөтүлгөн Каныбек Исаковдун талапкерлигин жактырды. Парламент жыйынына 111 депутат катышып, Исаковдун талапкерлигин 107 депутат колдоду.
Талапкерди депутаттарга вице-премьер-министр Алтынай Өмүрбекова тааныштырды.
Төрага Дастанбек Жумабеков Исаковду Билим берүү министри болуп шайланышы менен куттуктап, ишине ийгилик каалады.
Каныбек Исаков берилген милдетти жана ишенимди так аткара турганын билдирди.