Жогорку Кеңеш Мирбек Мамбеталиевди маданият, маалымат жана жаштар саясаты министринин кызмат ордуна дайындоого макулдук берди.
Мамбеталиевдин талапкерлиги парламенттин бүгүн, 26-февралдагы жыйынында каралып, аны 72 депутат колдоп, каршы добуш бергендер болгон жок.
Эскерте кетсек, 2022-жылдын октябрынан бери маданият министри болуп келген Алтынбек Максүтов 21-февралда кызматтан бошотулган. Анын ордуна Мирбек Мамбеталиев министрдин милдетин аткаруучу болуп дайындалган.