Жогорку Кеңештин тармактык комитети вице-премьер-министрликке Аида Исмаилованын талапкерлигин, ал эми Саламаттык сактоо министрлик кызматка Сабиржан Абдикаримовдун талапкерлигин жактырды. Бул тууралу “Репортерго” Жогорку Кеңештеги өздүк булактар кабарлады.
Мурдагы вице-премьер-министр Алтынай Өмүрбекова жана мурдагы Саламаттык сактоо министри Космосбек Чолпонбаев бүгүн, 1-апрель күнү кызматтан алынышты. Жарлыкка президент Сооронбай Жээнбеков кол койгон.
Аида Исмаилова Жогорку Кеңештеги «Республика — Ата Журт» фракциясынын депутаты. Сабиржан Абдикаримов болсо Саламаттык сактоо министрлигине караштуу Өзгөчө коркунучтуу жана карантиндик инфекциялар борборун жетектеп келет.