Кыргызстанда пенсия алган жарандардын саны 728 миң 164кө жетет. Бул тууралуу бүгүн, 26-июлда маалымат жыйында Социалдык фонддун төрагасы Бактияр Алиев билдирди.
Анын айтымында, быйыл жарым жылда пенсия төлөөгө 27 млрд 326,8 млн сом сарпталган. Былтыркы жылга караганда пенсияны төлөөгө 2 млрд 395,1 млн сом көп жумшалган.
Пенсия алгандардын 207 миң 920сы акчасын “Кыргызпочтасы” мамлекеттик ишканасынын филиалдары жана 520 миң 244 киши коммерциялык банктар аркылуу алышат.