Пенсиялык топтомо фондундагы акчасы 211 миңден ашык адамга берилген

Кыргызстанда Пенсиялык топтомо фондундагы акчаларын жалпы 211 миң 49 адам алган. Бул тууралуу Социалдык фонддон билдиришти.

Аларга жалпы 4 млрд 584,5 млн сом төлөнүп берилген.

Алардын ичинен:

• Пенсияга чыкканда алгандар – 187 миң 256 адам (2 млрд 525,5 млн сом).
• Кыргызстандын чегинен тышкары туруктуу жашоо үчүн — 4 миң 148 адам (215,7 млн сом).
• Мураскорлорго төлөнгөнү — 11 миң 39 адам (301,7 млн сом).
• Аскер кызматчылары — 927 адам (9,4 млн сом).
• Ипотеканы төлөө үчүн алгандар – 6 миң 969 адам (1 млрд 438,5 млн сом).
• Жумушсуздар – 255 адам (4,5 млн сом).
• Оор дарттарды дарылоо – 524 адам (90,2 млн сом).