Орусия менен Украинанын президенттеринин жолугушуусу үчүн тиешелүү шарттар даярдалышы керек деп билдирди Кремлдин басма сөз катчысы Дмитрий Песков.
Ал Владимир Путин жолугушуу өткөрүү мүмкүнчүлүгүн эч качан четке какпаганын эске салды.
«Азырынча жолугушууга байланыштуу бул маселе боюнча эч кандай жаңылык жок. Биздин президент мындай жолугушуудан принципиалдуу түрдө баш тарткан эмес, бирок ага тиешелүү шарттар даярдалышы керек, тактап айтканда, документтин тексти,» — деп билдирди Песков.
Буга чейин Орусиянын тышкы иштер министри Сергей Лавров Украина Орусия менен сүйлөшүүлөрдүн жүрүшүн кечеңдетүүгө жана бузууга аракет кылып жатканын билдирген. Андыктан ал Киев бийлиги келишимдин долбоорун өзгөрттү деген маалыматка комментарий берген.