Жогорку Кеңештин жыйынында депутат Жанар Акаев Ички иштер министрлигин автоунааларды караңгылатуу боюнча мыйзам үчүн сынга алды.
Депутаттын суроосуна жооп берип жатып, ИИМдин ЖККББ башчысы Азамат Исраилов өткөн жылы жол кырсыгынан 868 адам каза болсо, анын 114ү жаш балдар экенин билдирди.
Буга Акаев өнүккөн өлкөлөрдө бир баланын жолдо каза болушу улуттук трагедия экенин, аза күтүү жарыяланганын айтты.
«Жолдо жүз балабыздан айрылып жатабыз, мен сунуштаган мыйзамыңызга каршымын. Ким унаасынын терезелерин караңгылаткысы келет? Айылдан келген дыйкандар өздөрүнүн “Портерлерине” же “Ауди 100гө”? Бул акчасы барларга, Бишкек-Ысык-Көл жолунда жүргөн бузулган жаштарга керек. Алар кырсыктын баарын жасашат. Унаанын айнектерин караңгылаткандан кийин каалаганын кылышат. Бюджетке анча-мынча каражат түшүп, бул бир мектептин курулушуна барабар. Бирок мынчалык көп адамдардын өлүмүнө бул себеп болбошу керек», — деди эл өкүлү.
Акаев ошондой эле криминалдык элементтер тонировканы көбүрөөк колдоноорун кошумчалады.