Садыр Жапаров мектептерди 12 жылдык окутууга өткөрүүнү колдоду. Бул тууралуу ал кечээ бала бакчада жана мектепте билим берүүнү өнүктүрүү боюнча жыйында билдирди.
Билим берүү жана илим министри Догдуркүл Кендирбаева 12-жылдык билим берүүдө нөлүнчү класстар 1-класс катары эсептелерин, окуу мөнөтүндө өзгөрү болбостугун айтты.
«10,11 жана 12-класстарда билим берүү кесипке багытталат. Мектепти бүткөндө сертификат алып, балким чач тарач, ширетүүчү, тигүүчү же ашпозчу болуп чыгат», — деп түшүндүрдү министр.
«Анда эч айырмачылык жок экен. Мен макулмун», — деп жооп берди Садыр Жапаров.
Белгилей кетсек, 12 жылдык билим берүүгө өтүү демилгесин мурдагы министр Алмазбек Бейшеналиев көтөрүп чыккан. Аны 2023-жылдан тарта ишке ашыруу пландалган. Бирок ага Жогорку Кеңештин бир катар депутаттары каршылык билдиришкен. Алар Азия өнүктүрүү банкынын бул жааттагы гранттык долбоорун дагы артка кайтарышкан.
Биздин Телеграм каналга катталыңыз