Президенттик шайлоого катышуу ниети жөнүндө БШКга арыз тапшырган 63 талапкердин 11нин Кыргызтесттен өткөндүгү тууралуу күбөлүгү жок. Бул тууралуу Борбордук шайлоо комиссиясынын мүчөсү Кайрат Осмоналиев билдиргенин 24.kg жазды.
Күбөлүгү жок талапкерлер: Куттумидин Базаркулов, Анаркүл Араева, Тынчтык Акжолтоев, Юлия Лилиентал, Чыңгыз Капаров, Жээнбек Искендеров, Елена Клипачева, Жыпаргул Тургуналиев, Султан Аджиматов, Мирлан Калыбеков жана Анар Зарипова.
БШК тесттен ийгиликтүү өткөндөрдүн толук тизмесин 19-ноябрда жарыялайт. Бул күнү жетишпеген документтерди тапшырууга акыркы күн.
Андан ары, арыз ээлери 3-декабрга чейин кол топтоп, баракчаларды БШКга өткөрүп берип, 3-декабрга чейин 1 миллион сом күрөө төлөшү керек. Талапкерлер каражатка жана кол тамгагадан башка материалдарды 6-декабрга чейин тапшырып бериши абзел.
