Президенттик шайлоону чагылдыруу үчүн 92 чет элдик журналист аккредитациядан өттү. Бул тууралуу Борбордук шайлоо комиссиясынын басма сөз кызматынан билдиришти.
Маалыматка караганда 10-январда өтө турган Президенттик шайлоону чагылдыруу үчүн дүйнөнүн 11 өлкөсүнөн жалпыга маалымдоо каражаттарынын 92 өкүлү Тышкы иштер министрлигинде аккредитациядан өттү.
“Россиядан 33 журналист, Япониядан – 5, Улуу Британиядан – 14, АКШдан – 1, Франциядан – 5, Катардан – 4, Германиядан – 19, Украинадан – 1, Тажикстандан – 2, Белоруссиядан – 4, Азербайжандан – 4 ЖМК өкүлдөрү каттоодон өттү”, — деп билдиришти БШКдан.
Аккредитациядан өткөн журналисттердин тизмесин бул шилтеме аркылуу көрсөңүз болот.