Ош облусунун Кара-Суу районуна караштуу Мады жана Отуз-Адыр айылында пландалган аэропорттун курулушу ишке ашат. Бул тууралуу президенттин маалымат катчысы Аскат Алагозов билдирди.
Ал социалдык тармактардагы «Ошто пландалган аэропорт Жалал-Абад шаарына салынмай болуптур», — деген билдирүүлөрү четке какты.
«Бул чагымчыл мүнөздө экенин белгилеп, жарандарга жалган маалыматты таркатуу тийиштүү мыйзамдардын чегинде тескелерин, ал үчүн жоопкерчилик каралганын эске салабыз», — дейт Аскат Алагозов.
Эске салсак, үстүбүздөгү жылдын майында Садыр Жапаров жаңы салына турган аэропорттордун долбоорлору менен жеринде таанышкан.
Анда Ош жана Жалал-Абад шаарындагы аэропорттордун ордуна ипотекалык негизде берүү үчүн көп кабаттуу үйлөрдү куруу каралганы маалымдалган.
Белгилей кетсек, Камчыбек Ташиев Жалал-Абадда эл менен жолугушууда аймакка ири эл аралык аэропорт куруларын айтты.
Ташиев: Жалал-Абад өлкөдөгү эң үлгүлүү шаарга айланат (видео)
Биздин Телеграм каналга катталыңыз