Нарын шаарынын мэри Канболот Тутуев жана шаардык салык кызматынын башчысы жоопкерчиликке тартылды. Бул тууралуу Башкы прокуратурадан билдиришти.
Маалым болгондой, Нарын облустук прокуратура Нарын шаарынын мэрин жана салык кызматынын башчысын Салык кодексинин контролдук-кассалык машиналарды колдонуу боюнча түшүндүрүү иштерин жетишерлик деңгээлде жүргүзүшпөгөндүгү үчүн «Укук бузуулар жөнүндө» кодексинин 435-беренеси («Кызмат адамдарынын ченемдик укуктук актыларынын талаптарын бузуусу») боюнча жоопкерчиликке тарткан. Аларга 10 миң сомдон айып салынган.
Биздин Телеграм каналга катталыңыз