Кечээ, 19-апрелде Бүткүл дүйнөлүк жаштар ассамблеясы Жалал-Абад облустук мусулмандар казыяты менен биргеликте Рамазан айынын урматына кайрымдуулук иш-чарасын өткөрүштү. Бул тууралуу Муфтияттан билдиришти.
Маалыматка ылайык, иш-чарада Жалал-Абад облусунун Сузак районуна караштуу Кызыл-Туу айыл аймагындагы 230 үй-бүлөгө азык-түлүк таратылды.
Азык-түлүктөр облус казысы Нематтулла ажы Жээнбеков, шаардын вице-мэри Руслан Алтымышов жана айыл аймактын кызматкерлери, айыл аксакалдарынын катышуусунда таратылган.
Майрамдык баштыкчанын ар биринде 10 килограмм ун, 5 литр май, 5 килограмм күрүч, 5 килограмм кум шекер, 5 килограмм макарон, 2 килограмм печенье, 1 килограмм курма жана 1 литр кайнатылган сүт, бир куту чай салынганы айтылат.
