Бишкек шаарындагы Россиянын жана Кытайдын элчилигинин имараттарынан бомба табылган жок. Бул тууралуу шаардык милиция кабарлады.
Маалыматка караганда, 5-июнда саат 10:45те 102 кызматына эки элчиликтин аймагына бомба коюлганы тууралуу маалымат түшкөн.
Жерине ыкчам-тергөө тобу, сапёр жана кинологдор барган. Жүргүзүлгөн издөө иштеринин натыйжасында эки элчиликтин имаратынан кандайдыр бир жарылуучу зат табылган эмес. Аталган факт каттоого алынган.
Милиция кенен маалыматты кийинчерээк берүүнү убадалды.