Россиядагы «Люкссервис» компаниясы Подольск шаарында иштеген Кыргызстандын жарандарынын эмгек акысын төлөбөй, 5 млн 301,6 миң сом карыз болуп калган. Бул тууралуу Эмгек, социалдык камсыздоо жана миграция министрлигинен билдиришти.
Аталган факт боюнча Россиянын укук коргоо органдары Кылмыш-жаза кодексинин 145.1-беренесинин 2-бөлүгү боюнча кылмыш ишин козгогон.
Министрликтин Россиядагы өкүлчүлүгү кыргызстандыктардын укуктарын коргоо үчүн полиция бөлүмүндө жолугушуу өткөрүп, анын алкагында тергөө амалдары жүргүзүлгөн.