Каныбек Ботобаев Жер ресурстары боюнча мамлекеттик агенттигинин директору болуп дайындалды. Тиешелүү буйрукка премьер-министр Мухаммедкалый Абылгазиев кол койду. Бул тууралуу өкмөттүн маалымат кызматы билдирди.
Ботобаев буга чейин өкмөт аппаратынын жетекчисинин биринчи орун басары – өкмөттүн чек ара маселеси боюнча атайын өкүлү болуп иштеп келген.
Белгилей кетсек, ушул жылдын 1-августунан тарта Жер ресурстары боюнча жаңы мамлекеттик агенттик түзүлгөн. Аталган агенттикке 1.5 айдан бери жетекчи дайындалбай жатканы тууралуу өткөн жумада Жогорку Кеңештин жыйынында эл өкүлдөрү өкмөткө сын айткан.
