Жогорку Кеңештин «Бүтүн Кыргызстан» фракциясынын лидери Адахан Мадумаров бүгүн Башкы прокуратурада сурак берип чыкты.
Сурактан кийин ал журналисттерге «Бүтүн Кыргызстан» фракциясынын бардык мүчөлөрүнө кысым болгонун билдирди.
«Бүгүн эртең менен менин үйүмдүн жанында ондой эркек киши жүрдү. Алардын баары Ички иштер министрлиги менен УКМКнын кызматкерлери болгон. Орозайым Нарматова дагы сурак берип жатат. Ага чакыруу кагазы кечээ кечинде, Жогорку Кеңештин жыйыны аяктагандан кийин берилди», — деди Мадумаров.
Ал кошумчалагандай, Башкы прокуратурада Баткен облусундагы жерлерди сатуу иши боюнча суракка алынган. Ал бул иш боюнча күбө.
