Акжол Махмудов 77 килограмм салмакта дүйнөлүк рейтингде төртүнчү орунга түшүп калды. Мындай маалымат дүйнөлүк күрөш уюмунун расмий (UWW) сайтына жарыяланды.
Осло шаарында өткөн Дүйнө чемпиондугунан кийин рейтинг кайрадан жаңыланган. Биринчи орунда венгриялык Тамаш Лёринц, экинчиде орусиялык Роман Власов, үчүнчүдө азербайжандык Санан Сулейманов жайгашты.
Акжол Махмудов буга чейин рейтингде экинчи орунда болчу. Анда 44 упай бар.
«Токио-2020» жайкы Олимпиада оюндарынын күмүш байгесинин ээси Акжол Махмудов. Быйылкы Норвегияда өткөн дүйнө чемпиондугуна катышкан эмес.
