Бишкекте 24 жаштагы айдоочу жөө жүргүнчүнү сүзүп алды. Кырсыктан жаракат алган жаран окуя болгон жерден каза болду. Бул тууралуу патрулдук милициядан кабарлашты.
Маалыматка ылайык, окуя кечээ, 5-июлда саат 23:30дар чамасында болгон. Анда 1996-жылы туулган М.А. аттуу айдоочу Хонда Фит үлгүсүндөгү унаасы менен 50-55 курактагы жөө жүргүнчүнү сүзүп алган. Унаа Тоголок-Молдо көчөсү менен түштүктү көздөй бара жаткан.
Учурда тиешелүү экспертизалар дайындалып, жол кырсыгынын себеби такталууда.
