Бишкекте эркек киши лифттин эшигине кыпчылып каза болду

Бишкекте эркек киши лифттин эшигине кыпчылып каза болду

11-январда борбор калаанын Октябрь районундагы Улан-1 кичи районундагы көп кабаттуу үйдүн лифтинде бир адам каза болгон. Бул тууралуу Өзгөчө кырдаалдар министрлигинин басма сөз кызматы билдирди.

Алдын ала маалымат боюнча, 38 жаштагы эркек киши (А.К.) коляскадагы баласы менен лифтке кирип бара жатып, белгисиз себептерден улам лифт өзүнөн-өзү иштеп, анын эшиги эркек кишини кыпчып калган. Кырсыктын кесепетинен ал жеринен каза болгон. Бирок коляскадагы бала жабыркаган эмес.

Окуя болгон жерге Бишкек шаардык Куткаруу кызматынан 6 куткаруучу тартылган.

Рубрики: ЖАҢЫЛЫКТАР , КООМ

Поделиться в социальных сетях:

Тема боюнча жаңылыктар

Бардык жаңылыктар >>