Сузак: Тойдогу эл массалык ууланды

Сузак: Тойдогу эл массалык ууланды

Сузакта жылкынын этинен эл массалык ууланды. Бул маалыматты Жалал-Абад район аралык ооруларды алдын алуу жана санитардык-эпидемиологиялык көзөмөлдөө борборунун жетекчиси Рома Ураимов “Турмушка”тастыктады.

Анын айтымында, Бек-Абад айылында тойго барган эл жылкы этинен ууланышкан. Бүгүнкү күнгө чейин дарыгерлерге 124 адам кайрылган.

«Биз жылкы этинен деп жатабыз. Анткени тойдо таратылган этти үйүнөн жегендер да кайрылышууда. Дарыгерлерге кайрылган 124 адамдын 16сы ооруканага жаткырылды. Калгандары амблатордук жардам алышкан. Баары азыр көзөмөлдө турат. Ооруканага жаткырылгандардын төртөөсүн жашы жете элек өспүрүмдөр. Бул боюнча тийиштүү иштер жүрүп жатат», — деди ал.

Маалым болгондой, Бек-Абад айылында 10-октябрда сүннөт той өтүп, жылкы союлган. Тургундар дарыгерлерге 11-октябрдан тарта кайрыла баштаган.

Сузак аймактык ооруканасынын жугуштуу оорулар бөлүмү убактылуу Бек-Абад айылындагы ооруканага жылдырылган. Тамак-ашка ууланган жарандар аталган айылдагы ооруканага жаткырылган.

 

Поделиться в социальных сетях:

Тема боюнча жаңылыктар

Бардык жаңылыктар >>