Сузак районундагы Көк-Арт дарыясына чөгүп кеткен 13 жаштагы кыздын сөөгү табылды. Бул тууралуу Өзгөчө кырдаалдар министрлигинен билдиришти.
Маалыматка ылайык, Сузак районунда Көк-Арт айыл аймагынын Жалгыз-Жаңгак айылындагы Көк-Арт дарыясына 2008-жылы туулган кыз чөгүп кеткендиги тууралуу маалымат түшкөн.
Жерине издөө иштерин жүргүзүү үчүн 14 куткаруучу тартылган. Бирок куткаруучулар жеткенге чейин жергиликтүү тургундар тарабынан кыздын жансыз денеси табылып туугандарына өткөрүлүп берилген.
