Жалал-Абад облусунун Ноокен районунда жол кырсыгынан 2 адам жабыркады. Бул тууралуу Өзгөчө кырдаалдар министрлигинен билдиришти.
Маалыматка ылайык, Ноокен районундагы Бишкек-Ош унаа жолунун 538-чакырымында Daewoo Nubira үлгүсүндөгү унаанын айдоочусу рулга ээ боло албай, унаа жолдон чыгып оодарылып кеткен.
Кырсыктын кесепетинен 2 эркек киши (1948-ж.т. К.К. жана 1937-ж.т. К.Б.) жабыркаган. Куткаруучулар жабыркаган жарандарды унаадан чыгарып тез жардам кызматына өткөрүп беришкен.
